ЕЭУдагы этика: студенттер менен баарлашуу
Бүгүн Евразия эл аралык университетинде 1-курстун студенттери менен «Өзгөрүү өзүңдөн башталат» аттуу жолугушуу болуп өттү.
Иш-чарага университеттин жетекчилиги, административдик-башкаруу аппаратынын өкүлдөрү, кафедра башчылары жана окутуучулар катышышты.
Жолугушуунун негизги максаты – студенттерди университеттин эрежелери жана баалуулуктары менен тааныштыруу болду. Иш-чаранын жүрүшүндө катышуучуларга ЕЭУнун административдик түзүмү көрсөтүлүп, окуу процессин уюштуруу тартиби, окуу жайдагы жана сабактардагы жүрүм-турум эрежелери, ошондой эле студенттер менен окутуучулардын ортосундагы мамиленин этикасы жөнүндө маалымат берилди.
Айрыкча көңүл билимди баалоо системасына жана академиялык стандарттарга бурулду. Ошондой эле маалыматтык презентация көрсөтүлдү.
Университет кызматкерлери өз тармактары боюнча кеңири маалымат берип, студенттердин бардык суроолоруна жооп беришти.
Мындай жолугушуулар биринчи курс студенттерине студенттик жашоого тезирээк көнүүгө жардам берип, аң-сезимдүү билим алуу жана жеке өнүгүү жолунда маанилүү кадам болуп саналат.
