Пирогов интерактивдүү үстөлү

Евразиялык эл аралык университетте Кыргызстандагы болгону үч гана интерактивдүү Пирогов үстөлүнүн бири орнотулган. Бул — келечектеги медицина кызматкерлерин окутууда кеңири мүмкүнчүлүктөрдү ачкан өзгөчө жогорку технологиялык жабдуу.

4000ден ашуун 3D анатомиялык моделдердин жардамы менен студенттер адам денесин 1:1 масштабында изилдеп, органдарды, ткандарды жана системаларды майда-бараттуу кароого, объекттерди айлантууга жана жакындатууга мүмкүнчүлүк алышат. Сенсордук панель 40ка чейин бир убактагы тийүүнү кабыл алып, кыймылды экранга тийбей эле тааныйт. Жумуш учурунда колкап менен иштөө мүмкүн, ал эми дисплейдин бети чыңалган айнектен жасалгандыктан оңой менен бузулбайт.

Система жөнөкөй жана түшүнүктүү интерфейс менен камсыздалган, 10дон ашуун анатомиялык катмарга бөлүнгөн 2000ден ашык моделдерди башкарууга шарт түзөт. Үйрөнүү төрт негизги режимде жүргүзүлөт: көрүү, салыштыруу, диагностика жана билимди текшерүү.

• Көрүү режими 12 деңгээлдеги деталдуулукту жана түшүндүрмөлөрдү сунуштайт.

• Салыштыруу режими жуп органдарды, нормаларды жана патологияларды салыштырууга мүмкүнчүлүк берет.

• Диагностика режими КТ, МРТ жана УЗИ сүрөттөрүн, ошондой эле 100дөн ашуун типтүү ооруларды изилдөөгө шарт түзөт.

• Билимди текшерүү режими окутуучуларга өз тесттерин түзүүгө жана аларды 3D моделдерге байланыштырып коюуга мүмкүнчүлүк берет, ал эми жооп катары дагы бир 3D модель тандалса болот.

Пирогов интерактивдүү үстөлү билимди визуалдуу, кызыктуу жана клиникалык практикага жакын формада берүүчү заманбап окутуу куралы болуп эсептелет. Ал анатомия, физиология, патология жана башка табигый илимдерди үйрөнүү үчүн эң ылайыктуу.