Евразия эл аралык университетинин студенттери «Ата-Бейит» мемориалдык комплексине барышты
Тарых жана ата-бабаларды эскерүү күнүнүн алкагында Евразия эл аралык университетинин студенттери «Ата-Бейит» мемориалдык комплексине барышты. Экскурсияны тарых мугалими Акматылдаева Г.А. өткөрүп, студенттерге сталиндик репрессиялар мезгилиндеги кайгылуу окуялар жана бул жердин Кыргызстандын тарыхындагы мааниси тууралуу маалымат берди.
«Ата-Бейит» комплекси 1938-жылы сталиндик репрессиялар учурунда атылган 138 кыргызстандыктын жайы болуп саналат. Мемориалга атын дүйнөгө таанымал жазуучу Чыңгыз Айтматов берген.
Комплекс аймагында музей да иштейт. Анда массалык көмүлгөн жайды казуу иштеринин жүрүшүндө табылган репрессия курмандыктарынын жеке буюмдары көрсөтүлгөн.
Мындан тышкары, «Ата-Бейитте» улуу жазуучу жана дипломат Чыңгыз Айтматовдун өзү, ошондой эле 2010-жылдын 7-апрелиндеги Апрель революциясында курман болгон жарандар да коюлган.
Мемориалдык комплексине болгон бул сапар студенттер үчүн тарых боюнча маанилүү сабак болуп, эскерүүнүн, эркиндиктин жана адилеттиктин баалуулугун дагы бир жолу эске салды.
