Т. Эрматов атындагы Музыкалык-педагогикалык колледжде кесип багыттоо иш-чарасы
Евразиялык эл аралык университеттин кесипке багыттоо адистери Гапаров Б.Ш. жана Акматылдаева Г.А. Т. Эрматов атындагы Музыкалык-педагогикалык колледждин бүтүрүүчүлөрү менен жолугушуу өткөрүштү. Ал иш-чара ЕЭУда билим алуу мүмкүнчүлүктөрү менен тааныштырууга багытталды.
Музыка багытындагы студенттерге ЕЭУ жөнүндө видео ролик көрсөтүлүп, университеттин «музыкалык искусство» жана «аспаптык аткаруучулук» жаңы билим берүү багыттары тааныштырылды. Колледждин студенттери жана мугалимдери университетке тапшыруу шарттары, окуу базасы, предметтер, стажировка мүмкүнчүлүктөрү жана жатакана шарттары жөнүндө көп суроолор беришти.
Педагогика багытындагы студенттер окуу формалары, төлөмдөр жана университет тарабынан сунуш кылынган башка программалар жөнүндө кызыгууларды билдиришти.
Иш-чара музыка багытындагы студенттердин коноктор үчүн даярдаган бир нече музыкалык номери менен аяктады.
Жолугушуу жылуу жана достук атмосферада өтүп, колледждин студенттери Евразиялык эл аралык университетте билим алуу мүмкүнчүлүктөрү жөнүндө кеңири маалымат алды.
