Евразиялык Эл аралык университетинин жетекчилигинин “eGo Education” билим берүү уюму менен жолугушуусу тууралуу
2024-жылдын 30-октябрында Евразиялык Эл аралык университетинин ректору Уланбек Тотуяевдин жана ЕЭУнун кафедра башчыларынын «eGo Education» (Мальта) билим берүү уюмунун жетекчилиги менен видеоконференция форматындагы жолугушуусу болуп өттү.
Жолугушуунун жүрүшүндө тараптар билим берүү ишмердүүлүгүнүн инновациялык багыттары боюнча, мисалы, онлайн курстар, дистанттык билим берүү жана биргелешкен окуу дисциплиналарын киргизүү боюнча кызматташтыкты түзүү мүмкүнчүлүктөрүн талкуулашты.
Жыйынтыгында студенттердин биргелешип билим алуусун уюштуруу, кош дипломдорду берүү жана билим берүү ишмердүүлүгү боюнча тажрыйба алмашуу боюнча кызматташуу меморандумун иштеп чыгуу жана кол коюу боюнча макулдашууга жетишилди.
