Чыгыштын жүрөгүнө саякат: жумуш менен эс алуунун айкалышы

Май-жаңылануу мезгили руханий тазаланууну берген мезгил. Дал ушул майрам күндөрү эл аралык медициналык университеттин, Евразия эл аралык университетинин жана медицина-фармацевтика колледжинин кызматкерлери Өзбекстандын тарыхка жана маданиятка бай Ташкент жана Самарканд шаарларына унутулгус саякат жасашты.

Бул сапар Чыгыштын сыйкырдуу дүйнөсүнө жанды жылыткан саякат болду. Ташкент-заманбап жана тарыхый кооздукту айкалыштырган шаар. Асман тиреген имараттар жана кооз медреселер маданий мурастарды терең урматтоону чагылдырат. Ал эми Самарканд – уламыштарга оролгон, жомоктогудай кооздугу менен таң калтырган шаар. Бул жерде ар ким байыркы тарых барактарын барактап жаткандай сезилет.

Төрт күндүк саякатта шаар боюнча кечки сейилдөө, даамдуу өзбек тамактары жана, албетте, кооз базарларда соода кылуу – мунун баары жандуу жана унутулгус окуяны калтырды. Кызматкерлер мекенге жаңы күч менен кайтышты.

ЭМУ, ага жана МФК жамааттары үчүн мындай сапарлар жаңылык деле эмес. Өткөн жылы кызматкерлердин тобу Дубайга саякаттап келишкен. Ал эми майрам күндөрү – жаңы жылга, Нооруз майрамына карата – мыкты кызматкерлер Ысык-Көлгө жолдомолор жана баалуу белектер менен сыйланышкан.

Мындай иш – чаралар жетекчиликтин урматтоосунун жана ыраазычылыгынын ачык белгиси. Бул демилгелер Жамааттын биримдигин жана командалык рухун бекемдейт.

Эң башкысы-бул иш-аракеттер жетекчилик өз кызматкерлерине канчалык кам көрөрүн, алардын эмгегин баалаарын, колдоого умтуларын даана көрсөтүп турат.

Жумуш менен эс алуунун айкалышы биздин жетекчиликтин негизги максаттарынын бири. Анткени, бактылуу жана шыктанган кызматкер – бул ийгиликтин чыныгы ачкычы.