Милдеттүү медициналык камсыздандыруу фонду менен студенттердин жолугушуусу

Евразия эл аралык университетинин кызматкерлери Кыргыз Республикасынын Саламаттык сактоо министрлигине караштуу Милдеттүү медициналык камсыздандыруу фондунун Бишкек аймактык башкармалыгынын кызматкерлерин кабыл алышты.
Жолугушуу 18.10.1999-ж.КР 112-ж. бекитилген "Кыргыз Республикасында жарандарды медициналык камсыздандыруу жөнүндө" Мыйзамынын "дарылоо иши" тобунун лидерлерине түшүндүрүү үчүн, ошондой эле Кыргыз Республикасынын Министрлер Кабинетинин 450-б 04.08.2023-ж. буйругун аткаруу жана 2023-2024-окуу жылына Милдеттүү медициналык камсыздандыруу системасын өркүндөтүү боюнча Жол картасын ишке ашыруу максатында уюштурулган.
Кызматкерлер чет өлкөлүк жарандарды медициналык камсыздандырууга тиешелүү негизги беренелер боюнча презентацияларын көрсөтүштү.
Жолугушуунун жүрүшүндө чет өлкөлүк студенттерге полис алуу, медициналык кызматтардын тарифтери жана жеңилдиктерди алуу боюнча суроолорун берүүгө мүмкүнчүлүк түзүлдү. Чет элдик студенттер ММКФ кызматкерлерине алган маалыматтары үчүн ыраазычылык билдиришти.
Бул жолугушуу чет өлкөлүк студенттерге ыктыярдуу негизде медициналык камсыздандыруудан өтүүгө мүмкүнчүлүк берет.