СПИД менен күрөшүүгө арналган ЖОЖдор аралык студенттик илимий-практикалык конференция: өткөрүүнүн жыйынтыктары жана катышуучуларды сыйлоо
2023-жылдын 12-декабрында Евразиялык эл аралык университетинде ЖОЖдор аралык масштабдагы окуя - СПИД менен күрөшүүнүн эл аралык күнүнө арналган студенттик илимий-практикалык конференция болуп өттү.
Куттуктоо сөздөрү жана иш-чаранын бет ачары менен Кыргыз Республикасынын Саламаттык сактоо министрлигине караштуу гемоконтакттык вирустук гепатитти жана адамдын иммуножетишсиздигинин вирусун көзөмөлдөө боюнча республикалык борбордун дарыгерлери Талантбекова Акылай жана Турганбаева Адина чыгып сүйлөштү. Иш-чаранын жүрүшүндө алар ВИЧке тез тестирлөө үчүн тестин тартуулашты.
Уюштурулган иш-чара Борис Ельцин атындагы Кыргыз-Россия Славян университети, Саткынбай Тентишев атындагы Азия медициналык институту, Авиценна эл аралык медициналык университети жана Эл аралык медициналык университети сыяктуу Кыргыз Республикасынын алдыңкы жогорку окуу жайлары тарабынан колдоого алынды. Бул кадыр-барктуу жогорку окуу жайлардын ар бири мурда жарыяланган "мыкты видеоролик", "мыкты плакат" жана "мыкты баяндама" аттуу үч сынагынын алкагында өз долбоорлорун сунуштоого даяр болгон медицина тармагындагы эң активдүү жана амбициялуу студенттерден турган командаларды чакырышты. Ар бир окуу жайдын илимий жетекчилери өз шакирттерин бул достук ЖОЖдор аралык мелдешке катышууга кылдаттык менен даярдашты.
Катышуучулар өз долбоорлорун толкундануу менен тартуулашты, ал эми билим берүү тармагынын өкүлдөрүнөн жана СПИДге каршы күрөшүү боюнча адистерден турган калыстар тобу сунушталган ар бир долбоорго кылдаттык менен баа беришти.
Конференциянын жыйынтыгына университеттин ректораты калыстар тобунун мүчөлөрү менен биргеликте конференциянын баардык катышуучуларына жана алардын илимий жетекчилерине талыкпаган жана үзүрлүү эмгеги үчүн терең ыраазычылыгын билдиришти. Ыраазычылык иретинде баардык катышуучулар илимий изилдөө жана СПИД менен күрөшүү чөйрөсүнө кошкон салымын баса белгилеген катышуу сертификаттары менен сыйланышты. Номинациялар боюнча жеңүүчүлөр I, II жана III даражадагы дипломдор жана байгелер: пульскоксиметрлер жана стетофонендоскоптор менен сыйланышты.
Жыйынтыктары:
"Мыкты баяндама"сынагы:
I-даражадагы Диплом: "АЗМИ" командасы
II-даражадагы Диплом: "АЗМИ" командасы
III-даражадагы Диплом: "ЕЭУ", "ЭМУ", "КРСУ" командалары.
"Мыкты плакат"сынагы:
I-даражадагы Диплом: "ЭМУ", "АЗМИ" командалары
II-даражадагы Диплом: "ММУ" командасы
III-даражадагы Диплом: "ЕЭУ"командасы.
"Мыкты плакат"сынагы:
I-даражадагы Диплом: "АЗМИ" командасы
II-даражадагы Диплом: "КРСУ" командасы
III-даражадагы Диплом: "ЕЭУ", "ЭМУ", "АЗМ колледжи" командалары.
Илимий жетекчилер, өз кезегинде, медицина студенттеринин арасында илимий багытты өнүктүрүүгө кошкон маанилүү салымы үчүн ыраазычылык каттарын алышты.
Бул конференция СПИД проблемасынын дүйнөлүк мейкиндиктеги маанисин гана эске салбастан, ЖОЖдордун биргелешкен иш-аракеттеринин билим алмашууга жана өлкөдөгү студенттик коомчулукту өнүктүрүүгө кандайча өбөлгө түзөөрүнүн ачык мисалы болуп калды. Евразия эл аралык университети иш-чараны сыймыктануу жана позитивдүү эмоция менен калтырган, мындан аркы чакырыктарды кабыл алууга жана жакшы келечекти жана дени сак улутту түзүү үчүн өз идеялары менен бөлүшүүгө бел байлаган катышуучуларга ыраазычылыгын билдирет.
