ЕЭУ жана “Дестинация Каракол” Кыргызстандын туризмин өнүктүрүү үчүн биргеликте иш алып барышат
Кечээ Евразиялык эл аралык университетинде “Дестинация Каракол” маалыматтуу-туристтик борборунун өкүлдөрү менен маанилүү жолугушуу болуп өттү. Ал Коммуникация, медиа жана дизайн кафедрасынын демилгеси менен уюштурулду. Бул иш-чара Кыргызстандын ички жана эл аралык туризмин өнүктүрүү, ошондой эле туризм тармагы үчүн квалификациялуу адистерди даярдоо сыяктуу маселелер боюнча кызматташтыктын алдыңкы максаттарын талкуулоо үчүн өзгөчө мааниге ээ болду.
Жолугушуунун алкагында эки тарап өз ара кызматташтык жөнүндөгү макулдашууга кол коюшту. Бул документ университет менен туристтик борбордун ортосундагы өнөктөштүктү бекемдөөдө чоң кадам болуп саналат. Андан тышкары, бул келишим туризм индустриясын өнүктүрүү жана анын өсүшүнө салым кошууга жөндөмдүү адистерди даярдоо тармагында биргелешкен иштер үчүн жаңы мүмкүнчүлүктөрдү ачат.
Иш-чаранын жүрүшүндө туризм тармагынын келечектеги адистери менен кызматташууга өзөчө көңүл бурулду. “Дестинация Каракол” борборунун өкүлдөрү туризм бөлүмүнүн студенттери менен жолугушуп, Кыргызстандагы туризмдин учурдагы тенденциялары жана алдыдагы өнүгүү максаттары жөнүндө маалыматтар менен бөлүштү. Катышуучулар жаш адистердин алдында туруучу негизги көйгөйлөрдү жана мүмкүнчүлүктөрдү, ошондой эле өлкөнүн туристтик потенциалын жайылтууда инновациялык мамилелердин маанисин талкуулашты. Студенттер баалуу билимдер менен катар жаңы идеяларды жана долбоорлорду ишке ашыруу үчүн шыктандыруу алышты.
“Ушул сыяктуу жолугушуулар тармактын чыныгы муктаждыктарын терең түшүнүүгө жана келечектеги кесиптик сыноолорго даярданууга чоң жардам берет”, – деди ЕЭУнун ректору У.А. Тотуяев.
Бул иш-чара Кыргызстандын туристтик потенциалын өнүктүрүүдө билим берүү мекемелери менен тармактык уюмдардын ортосундагы өз ара аракеттешүүнүн маанисин дагы бир жолу көрсөттү. Евразиялык эл аралык университет менен “Дестинация Каракол” борборунун ортосундагы өнөктөштүктү бекемдөө, конкуренцияга жөндөмдүү туризм индустриясын түзүүгө жана анын өнүгүшүнө салым кошууга жөндөмдүү жогорку квалификациялуу адистерди даярдоого чоң салым кошууда.
